ភ្នំពេញ៖ ព្រះមហាក្សត្រនៃព្រះរាជាណាចក្រកម្ពុជា សម្ដេចព្រះបរមនាថ នរោត្តម សីហមុនី និងព្រះវររាជមាតាបានយាងត្រលប់មកដល់មាតុប្រទេសវិញហើយនៅរសៀលថ្ងៃទី៣០ ខែកញ្ញា ឆ្នាំ២០២៣ នេះបន្ទាប់ពីព្រះអង្គទាំងទ្វេរយាងទៅប្រទេសចិនប្រមាណ ១ខែ។
ព្រះទីនាំងយន្តហោះពិសេសនៃព្រះរាជាណាចក្រកម្ពុជាបានចុះចតនៅព្រលានយន្តហោះអន្តរជាតិភ្នំពេញនៅម៉ោងប្រមាណ ៣និង៤០នាទីរសៀលថ្ងៃសៅរ៍នេះ។
គួរឱ្យដឹងផងដែរថាព្រះមហាក្សត្រ និងព្រះវររាជមាតាសេ្ដចយាងទៅពិនិត្យព្រះរាជសុខភាពនៅសាធារណរដ្ឋចិនកាលពីថ្ងៃទី២៨ ខែសីហា ឆ្នាំ២០២៣៕
